السبت، 27 أبريل، 2013

ليلة الدخله . ماذا تفعلى فيها ؟

موضوع هام للمخطوبات اللى خلاص هنفرح بيهم او فيهم قريب هههههههه
^_^
هنقسم الكلام ل3 حاجات :
1- ازاي تخلي الليله دي فعلا احلى ليله فالعمر وتعدي بسهوله وسلاسه
2- لو حصل لا قدر الله مشكله ازاي تتصرفي فيها وهيبقى عندنا نوعين من المشاكل
– مشكله خاصه بيكي
– مشكله خاصه بزوجك
وقبل مانبدا الكلام
نقووووووووووووووول
بسم الله الرحمن الرحيم
اولا: احلى ليله فالعمر ان شاء الله
ليلة الدخله
بصي بقى ياعروسه انت وهى
طبعا العروسه بتكون متوتره فاليوم ده واخده كل حاجه على اعصابها
و لو حصل اقل حاجه بتتوتر منها جدا وتقلق وطبعا كل ده بيبان عليها
وياثر على نفسيتها بس بجد نصيحه مني انا عملتها و و الله فعلا نفعتني
انت من اول اليوم خليكي متاكده وواثقه ان ان شاء الله مش هيحصل
اي حاجه تعكر عليكي اليوم ده وانوي كده ان حتى لو حصل حاجه
هتعملي نفسك مش واخده بالك ولا كان اي حاجه حصلتوانا بتكلم حاليا
عن فترة ما قبل الدخله يعني اول اليوم اما تصحي خلييك فرش كده
وهاديه وصدقيني اما الواحده تبقى حاطه فدماغها ان اليوم ده هيبقى
احلى يوم فحياتها ومش هتحصل اي مشاكل بيكون فعلا كده ولو توترت وقلقت
من كل حاجه هتلاقي مليون مشكله حصلت وديقتها وديما بنقول التفكير
الايجابي ينتج حياه ايجابيه والتفكير السلبي ينتج حياه ومواقف سلبيه.
نيجي بقى للمهم
الحمدلله الفرح خلص وانت كنتي احلى عروسه فالدنيا واتبسطي وفرحتي
وسط اهلك واصحابك
وروحتو بيتكم اللي فرشتوه سوى حته حته و اختارتو فيه كل حاجه سوى البيت
اللي هيجمعكم سوى لاخر يوم فعمركم ان شاء الله وهتشوفو فيه كل لحظات
حلوه فحياتكم خلي الكلام ده فدماغك عشان بجد هتلاقيكي اول مادخلتي البيت
واستحضرتي الكلام ده فراسك مبسوطه جدا ومافيش اي توتر ولا خوف من حاجه
####
انا هقولكم سيناريو كده للي بيحصل عادة فالليه دي
الحمدلله وصلتم البيت ودخلتم شقتكم واتقفل عليكم باب واحد
لاول مره لوحدكم فالغالب هتلاقي جوزك بيقول مبروك وابتسم كده
وهيبوسك انت انسي كل حاجه واستمتعي باللحظه الحلوه دي
هتدخلو على اوضة النوم طبعا عشان تغيرو انت تدخلي الاوضه وتقوليله بس
ثواني اغير هدومي هو مش هيعترض وهتلاقه خرج بره و قفل الباب
انت زي الشطوره كده هتقلعي الفستان الحلو بتاعك ده وتعلقيه فالدولاب
وتطلعي البرنس بتاعك وتلبسيه ولو عامله شعرك هتنادي عليه يساعدك ففك البنس
والطرحه بعدين هتسيبيه هو يغير وتاخدي بعضك وتروحي تاخدي دش دافي
كده عشان تنتعشي
وطبعا بعد كده ماتستعجلوش وتجرو على الاوضه اصبر شويه
نص ساعه بس
بصي بقى لازم وده لازم وماينفعش مايتعملش تتوضو وتصلو ركعتين لله
بنيه ان ربنا يسهلكم حياتكم و يباركلكم فيها و يرزقكم بالذريه الصالحه وتصلو الركعتين
ويستحسن جوزك يبقى الامام وبعد ماتخلصو الركعتين جوزك يحط ايده
على راسك ويقول اللهم ارزقني خيرها واكفني شرها وبارك لي فيها
وبعد كده كل واحد يقول كده بينه وبين نفسه اللهم جنبنا الشيطان و جنب الشيطان ما رزقتنا
والدعاء ده يتقال فكل مره جوزك يقربلك
وبيتقال عشان يبعد الشيطان عنكم لان الشيطان يجامع مع الرجل لو لم يقل هذا الدعاء
وده فيما معنى حديث شريف لاني مش فاكره النص بالظبط
وخليكي مرتاحه كده لان التوتر بيعمل مشاكل و بيخلي الموضوع ما يتمش بسهوله
و حطي فبالك ان ده جوزك والانسان اللي اختاره قلبك وعقلك
و كمان يعني بيني وبينك كده انتم الاتنين من ساعة الخطوبه هتموتو واليوم ده يجي
و اهو جه يبقى استمتعي بيه و عيشي احساسه الرائع اللي مش بيجي
فالعمر غير مره واحده بس وهى الليله دي
وارجع اقولك اهم حاجه الركعتين اللي قولتلك عليهم دول سبحان لله
بيخلو الواحده هاديه خالص ومبسوطه ومش متوتره فاياكي تقولي مش لازم
او تنسيهم وتتفقي مع خطيبك قبل الفرح على انكم هتعملو كده وتبعتيله رساله
بالادعيه دي لان ممكن يكون مش عارفها وتفهميه انك نفسك تبداو حياتكم برضا ربنا
عشان يباركلكم فحياتكم
div style="text-align: center;"> اليكم الفيديو

شــاهـد الفيديـو من هنــا

ليست هناك تعليقات:

إرسال تعليق